Markus Zusak Kitab oğrusu

 

Müəllif müharibədən bəhs edən bu qeyri-adi romanı
ölümün dilindən səsləndirir.
Hamının qəbul etdiyi yeganə
gerçəklik – ölüm insanlara mənəvi dəyərlər aşılayır. O, fikrini
rənglər vasitəsi ilə ifadə etməyə çalışır. Cansıxıcı mənzərələr
müharibə ovqatını əsərin sonuna qədər saxlayır. Amansız dağıdıcı
qüvvənin qarşısında yalnız cılız bir alman qızı – balaca
Lizel dayanıb. O, kitab oğrusudur. İnsan maskası taxmış
vəhşilər insan həyatını oğurlayan zaman bu qızcığaz onların
evindən kitab oğurlayır. Əsərin mesajını anlamaq o qədər də
çətin deyil. Qlobal cinayətin qarşısını almaq üçün “söz”ə ehtiyac
var. Söz olan yerdə əməl də olacaqdır. Bəlkə, çox gec
olacaq, ancaq mütləq olacaq.
Qaranlıq əzab tunelinin sonunda hər zaman işıq var.
Müəllif bu işığa çatmaq üçün cəhalət tonqalından oğurlanmış
kitabı uşağın qucağına sıxır. Nəticədə Lizel – cılız bədənli bu
kitab oğrusu əsərin ortasından qırmızı xətt kimi keçərək ölümün
oğrusuna çevrilir.