Lev Tolstoy Hacı Murad

Hərb və sülh , Anna Karenina əsərləri ilə dünya ədəbiyyatında roman janrının ən gözəl nümunələrini yaratmış görkəmli rus yazıçısı, publisist və filosof Lev Nikolayeviç Tolstoy 1828-ci il avqustun 28-də Tulsk quberniyasının Yasnaya Polyana malikanəsində zadəgan ailəsində anadan olmuşdur. Həyatı boyu yoxsullara kömək etmiş, ədalətsizliklə mübarizə aparmışdır. Ömrünün sonunda öz istəyilə sərvətindən imtina etmiş yazıçı 82 yaşında vəfat etmişdir. Müəllifin son əsəri olan Hacı Murad povesti 1904-cü ildə işıq üzü görüb. Povestdə imam Şamilin başçılığı ilə Rusiya imperiyasına qarşı vuruşan üsyançılardan bəhs edilir. Əsərin əsas qəhrəmanı olan Hacı Murad Dağıstanı işğal edən rus ordusuna qarşı mərdliklə mübarizə aparan avar sərkərdələrindən birinin portretidir.