![]() |
İsmayıl Şıxlı Ölən dünyam |
İsmayıl Şıxlı bu tarixi romanını ölümündən beş ay qabaq tamamlaya bilib. Halbuki o bu romanı yazmaq qərarına hələ çox əvvəllər gəlib, təəssüf ki, ideyasını sovet gerçəkliyində obyektiv səbəblər ucbatından reallaşdıra bilməyib. Müəllifin ilk variantda “Qanlı təpə” adıyla qələmə almaq istədiyi bu əsər 20-ci illərin mürəkkəb və ziddiyyətli həyatını əhatə etməli idi. Lakin mövcud olan qadağalar, arxiv sənədlərinin gizlin saxlanılması, o illərdə baş verən əsl həqiqət və ziddiyyətlərin meydana çıxarılıb açıq söylənilməsinə qoyulmuş yasaqlar nəticəsində tarixi dövrü olduğu kimi verməyin qeyri-mümkünlüyü səbəbindən nəzərdə tutduğu romanı yazmamağı qərara alıb.
