👍
0
👎
0
 |
Pol Stretern Konfutsi ilə 90 dəqiqə |
Konfutsi Çinin qədim mütəfəkkiri və filosofudur.
Konfutsisizm nəzəriyyəsi Çininvə Cənubi Asiyanın həyatına dərindən təsir
göstərib. Konfutsi ilk universiteti yaradıb və
müxtəlif knyazlıqlardakı salnamələri tərtib
edib. Knyazların, məmurların, döyüşçülərin
və kəndlilərin əxlaq qaydaları haqqında
nəzəriyyəsi Çində geniş yayılıb. İyirmi yaşını
keçəndən sonra ilk peşəkar pedaqoq kimi məşhurlaşıb.
Konfutsisizmi tez-tez din adlandırsalar da,
onda kilsə institutu yoxdur. Burada ilahiyyat
məsələləri mühüm deyil. Konfutsi əxlaqı dini
deyil. Konfutsiçiliyin idealı qədim nümunələr
əsasında harmonik cəmiyyət yaratmaqdır.
Konfutsiyə görə, “dövlət böyük ailə, ailə kiçik
dövlətdir”. Hər ikisində hökmdar - ata, qalanlar
- əsas borcu sədaqət və itaət olan övladlardır.
Öz təlimində “xalqın etibarını qazanmayan
hökumət ayaqda dayana bilməz” fikrini
xüsusi vurğulayan filosof “qarşılıqlı anlaşma”,
“ortaq yol” ideyasını müdafiə edir.
Bu kitab Konfutsi və onun nəzəriyyəsi
haqqında ən vacib bilgilər toplusudur.
