 |
İbrahim Niftiyev Şeytan fəhləsi |
Bəzən həyatımızda, həqiqətən də, qeyri-adi hadisələr baş verir. Həmin hadisələri heç vaxt başqasına danışmaq olmaz. Çünki, bunları mütləq öz içində saxlamalı və varlıqları ilə barışmalısan. Əslində bunu etmək çox çətin olur. İnsan, sanki özünü bir ayağı olmayan oturacaqda əyləşməyə məcbur edirmiş kimi hiss edir. Bu hadisələrdən sonra həyat artıq bir daha əvvəlki kimi olmur. Belə hadisələrin təyinatı hər nə olursa-olsun, ilahi qüdrət tərəfindən bizim şəxsi hadisələr matrisinə daxil edilməsi səbəbsiz mümkün deyil.